همس الشفايف

أموت فيه أعشقـه أنـا وأهـواه
غالي غلا الروح ولا من يساويـه
نهرغرامـه فالشريـان مـجـراه
تسقي عروقن ميته فيني مجاريـه
أموت لوغيـري يتقـرب احـذاه
وأغار من الهوى لى هو يزاغيـه
وأغار من كفـن لامسـت يمنـاه
واغـار لـو ردوا سلامـه عليـه
وأغار من ماي ذاب في سكر اشفاه
واغار من لحافه لى هـو يغطيـه
وأغار من قلم حطه فـي مخبـاه
ومن بيت شعري لو يقرى قوافيـه
أعشق أنا ترابن يدوسه ويوطـاه
أسير في دروبه وأماشي خطاويـه
وأحلم بلحظة تجمعني أنـا ويـاه
أضمه لصدري وفعيونـي أخبيـه
أغار أغـار يعـل الـروح تفـداه
ما بقى إلا أغار من عيـن عليـه
يالله دعيتك يارب الكـون مـولاه
حبيبي ياربي لـي ولهلـه تخليـه

•°°°••°°°••°°°••°°°•



أبيك و ما أبي غيرك على صدري تعال ونـــــام
أبيك ويشهد البـــاري ملكت أرض الغلا فيني
أغيب أيام وارجع لك بشوقٍ يحتريك أعــــــــوام
بعيد لكن بروحي سكنت وضمتــك عينـــــــي
ثلاث أيام من عمري كتب موته بعد ما قــــــــام
ودمع العين يا ويلي يدق البــــــــاب ويلفينــــي
أنا من رحت حلت بي هموم ٍعشتها واسقــــــــام
ملت روحي يا روح الروح..حضنت الموت بيديني
ملامح لهفتك تضوي سماي وقلبي لاأبد مــــا رام
يا كود تمره بليله وتشعل بـــــــــاقي سنينـــي
تزاحم في الحشا نبضي وتسكن في المنام أحلام
تمنت تلتقيك اليوم ومدري كــــــان يمدينـــــي
أنا لا قلت فمان الله أحس بخافقي سهـــــــــام
تزيد طعونها وتغرس ألم واحــــــزان تكوينـي
تقول اليوم تعال لي دخيلك عجل باقـــــــــدام
خطت فوق الثرى تنوي بعـــــادي بس يكفيني
دخيل الضمة واللمة (فديتك)(عمري) وانت الهام
يحرك خافي أشواقي وبعد المــــــــوت يحييني
طلبتك لا تغفي عينك على ليلٍ حلف ما ينــــــام
تراني يمك وحــولك أسقي بـــــك شــــــراييني
تصدق كل كلماتك حلا منثور وريح خـــــــزام
تعطر خافقي ومعهـــــا أضيعهــا عنــــــاويني
أحبك والغلا يشهد وحرف يشتعل واقــــــــلام
تخط بحبرها أعــــذب قصيــــدة في دواوينــي

•°°°••°°°••°°°••°°°•

أغار يا عمري عليكِ من الاقلام
لا لامسة كفك كتبتِ بها حروف
وأغار من ثوب لبستيه وحزام
وأغار من شال على الراس ملفوف
وأغار من نظرة براءة للأيتام
حتى ولو هي نظرتك عطف مع خوف
وأغار من دار سكنتِ به العام
وأغار من بسمتُك لقراب وضيوف
وأغار والله من سلامك للأعمام
وأموت غيره لو لمس كفك كفوف
وأغار حتى من خيالك والأحلام
وأغار لو غيري يخايلك بطيوف
ويفز قلبي لا قرب خطو الأقدام
وإن مالقيتك سرت لا اسمع ولا أشوف
إنتي أمل حي شكى ضيم الأيام
حي تولع في محبتك ملهوف
لا تحرمينه من حنانك وينظام
يا سلوة المجروح ردي له الشوف


•°°°••°°°••°°°••°°°•

ان حكت ذيك الشفايف ذوّبـت ذاك الجليـد
لا تقاطر من شهدها وانتثـر عـذب الكـلام
في عذوبة في بلاغـه كنهـا تنشـد قصيـد
تذوب في رق ولطافه حكيها همـس الغـرام
وان بدت نجل العيون برمش سهمه مايحيـد
من نظرها من خطرها ما انتظر منها السلام
ولا ارتخت ذيك الجدايل ولتِوت من فوق جيد
من شذاها من بهاها ينكسـر لـون الظـلام
تبتهج دنيـا السعـاده يبتـدي عيـد ٍ جديـد
( قبلة الله ) لـو تبيّـن مـا ورا ذاك اللثـام
لااقبلت تمشي تباها ما تقل بـالارض غيـد
غيرها زينـه تلاشـي مرّنـا مـر الكـرام
عندها روحي رهينه مـن وراهـا كـم قيـد
عايش العمر برجاها ولا علي العاشق مـلام
أملكت مني خفوقي صارت الحلـم الوحيـد
ربّعت ذيك المحاني ان صدق وعـد الغمـام
عاذلي كف السوالـف كـل قولـك مايفيـد
لو تسولف ما عذلته خافـق ٍ بالحـب هـام
درة ٍ يغرق بحرها مـن تصيّـد مـا يصيـد
ولا يجيها غيـر حـظ ٍ وفّقـه رب الأنـام
من حلاها من بهاها عطّـرت جـو القصيـد
وبصدر عذب القصايد اصبحت أرفع وسـام

•°°°••°°°••°°°••°°°•

يا بعد عمري تدلل واطلب اعيوني فـداك
ولو طلبت العمر كله قلت لك لبيك جـاك
انت اغلا من عشقته وانت في قلبي ملاك
يشهد الله من غلاتك سرت اغلي الي غلاك
العشق من غير قربك سايرا كنـه هـلاك
والعمر لي وش يساوي دام اني ماني معاك
لو ادور الكون كله ماملا عينـي سـواك
ساحرا قلبي وعقلي والبلا بسمـة شفـاك
إن بعدت ازداد شوقي وكل يوما في طراك
وإن قربت اشعلـت نـاري فـي هـواك
كل يوم وكل ساعه انتظـر لحظـة لقـاك
واتذكر كيف نجلس وكيف كنـا يـوم ذاك
يوم اقلك يا حبيبي تردلي يا نعم لبيك جاك
وقتها الدنيا با اكملها ما تسع مشيت خطاك
وانا اقول اكثر تدلل واطلب اعيوني وهاك
يكفي اشوفك وسط قلبي زيدا والله غـلاك

•°°°••°°°••°•°°°••°°°••°

ماني مزور دمعةٍ فوق خدى
لولا المحبة ماتحدر من العين
شـف حالتي تلقا براهين ودى
كان انت ودك للمحبة براهين

°°••°°°••°°°••°°°••°

وين انت ياللي كـل ماتمـر ذكـراك
توقد فتيل الشوق وتـذوب الاضـلاع
تعال..واجلس صب لـي مـن شفايـك
هيل الكلام اللـي تصبـه بالاسمـاع
مدري متى اشبع من سوالفك..وارواك
اثر الحكي بعضـه خزامـى ونعنـاع

°°••°°°••°°°••°°°••°

أشتاق ثمّ اشتاق واشتاق واشتـاق
يا ملهب(ن) شوقي بروعة شعورك
قلبي لهمسك يا اعذب احساس توّاق
الله.. لايحـرم خفوقـي حضـورك
أكتب لك آآحبّك على بيض الاوراق
من عقب يضْوِيها فـؤادي بنـورك
ياللي حروفك تنسكب وسط الاعماق
وأقرا المحبة في طلاسم سطـورك
ألمح بوجهك كلّ نظـرات عشّـاق
يفداك قلب(ن) راحته من سـرورك
روحي معك يا خافقي دوم باعنـاق
أتقبلّـك واشتـمّ ريحـة بخـورك
قلبي من البـارح بعالمـك مافـاق
يهيم فيـك وكـل مابـي يـزورك
ليتك تشوف الحال واللي بالاعمـاق
ما صار فيها غير نسمة عطـورك
اكليل حُبّ.. اكليل لهفـه وأشـواق
لروعة احساسك وصادق شعـورك
هالصبح ياخذ من محيّاك الاشـراق
ماحلاه صبحي لارتوى من بحـورك

°°••°°°••°°°••°°°••°

بديت أحبه وحبه يسكن بوجداني
بديت أحبه وأوله عليه وأشتاق
بديت أحبه وحبه له طعم ثاني
بدأ القلب يهواه وينبض له الخفاق
بديت أحبه من يوم شفته وجاني
يوم نظرته اهتزت لها الأعماق
يوم الحياء امتلكني وعقد لساني
وفكري وراء الخيال رحل وإنساق
نسيت الحكي وهو بعد نساني
وفكري من وهم الخجل مافاق
هويته وهو مثلي صار يهواني
وقال إن مثلي بالبشر ما لاق
بديت أحبه يوم ميزني وأغلاني
عن كل البشر بزين الوصف والأخلاق
بديت أحبه وأنعته بأغلى خلاني
ياللي كوى القلب حبه وأحرقه إحراق
من عرفته اعتلى قدري وشاني
أرعدت سماي بحبه وأبرقت إبراق
ذوقني المحبة وهناني ومناني
المحبة معه طعمها حلو المذاق
عسى ربي يخليه نور أعياني
أنا ترا إن جيت أمدحه ما تكفيني الأوراق

•°°°••°°°••°°°••°°°•

انت منت بأي واحد في جمالـك انـت غيـر
انت تفرق عن سواك وبـك علامـه فارقـه
انت غير اليـوم والله فيـك ميـزه ياخطيـر
انت كل الملـح مـن كـل العـذارى سارقـه
أنت فيك ارموش تقتل قبـل ماترسـل نذيـر
انت في ليل الدجى توضي بشمـسً شارقـه
أنت فيك اوصوف ضبين من قنوصن مستذير
انت وصف الضبي لاشاف القنوص اتسارقـه
انت من بين العذارا لاطويل ولاتسمى بالقصير
انت من بين العذرا سيد السادات غيرك دارقه
انت شامخ في شموخك تستحق انـك اميـر
أنت شامخ في حضورك لك سهومن حارقـه
انت لامنك همسـة انغـام صوتـك ماتجيـر
انت همسك لاهمست النـاس ذابـت غارقـه
أنت لامني ذكرتك قلت يالبيه ياجعلـك بخيـر
انت طيفـك فالمحانـي دوم يطـرق طارقـه


سآمحوني لو طولت عليكم ..~

صح لســــــــــــــانك...............


انتي من اليوم اميره الشعراء كن الشعر ذاب في هواكي

جن الشعر من زووووود الحياء يصحله هو بيلقى سواكي

شعرك جميل الله يعطيك العافيه


ممكن تعيريني لسانك؟

مشكور اخي

هههههههههههههههههههه